فقيه
البنت سولات فقيه :الا خرجت مع غريب ورقصت وتونست معاه واش حلال؟ قالها حرام وجزاءك النار .قالت ليه طيب والا درتها معاك ؟ضحك وقالها: كتقلبي على الجنه يا العفريته مصابيح الغد واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات لقيتي راسك ميت وحد المبوق سول صاحبو: أشنو غادير دير إيلا فقتي ولقيتي راسك ميت؟
قال ليه صاحبو المبوق: نااااااري أصاحبي، راني نتسطى صيد قنية سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو مكلاخ واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟ الطناش القديمة
واحد الاستاذ ديال الفيزيك سول واحد التلميذ مكلخ: ماهي الوحدة ؟ قال ليه المكلخ: هي الطناش القديمة الجغرافيا
واحد الولد قال لجدو: جدي كتعرف فرنسا؟
قال ليه جدو: دوزت فيها خمس سنين
قال ليه الولد: كتعرف النجليز؟
قال ليه جدو: دوزت فيها سبع سنين
قال ليه الولد: كتعرف البرازيل؟
قال ليه جدو: دوزت فيها تسع سنين
قال ليه الولد: واو أجدي، كتعرف الجغرافيا
قال ليه جدو: دوزت فيها عشر سنين أولدي مول سبير
هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير
ماساج هادا واحد الراجل دخل للدار ولقى مرتو ما وجداتش ليه العشا
الراجل كعا بزاف و طلع الدم، ودخل البيت وسد عليه
مرتو باش تحزرو، مشات عندو وقالت ليه: ندير ليك ماساج؟
قال ليها: والله وديريه حتى نلوحو ف الزبل كلب جاعر واحد شرا بارابول بالتخبية من دارهم وخباه ف السطاح، وقال ليهم: حتى واحد ما يطلع للسطاح، راه شريت كلب كبير و جاعر.
ناض خوه طلع للسطاح باش يشوف أشنو كيان، وملي نزل جا كيجري ومخلوع.
سولوه: شفتي الكلب؟
قال ليهم: لا، شفت غير الطبسيل فاش كياكل الكمامات
سولوا واحد المكلخ : علاش كيدير الطبيب والفراملية الكمامات إيلا كيدروا شي عملية؟
قال ليهم المكلخ : باش إيلا ما صدقاتش ليهم حتى واحد ما يقشعهم
واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي النجمة بالفرنسية
واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام خبز كارم هادا واحد ديما كيمشي عند مول الحانوت كيقول ليه: عندك خبز كارم؟ كيقول ليه مول الحانوت: لا. بقاو على هاد الحال شحال، واحد نهار فكر مول الحانوت وقال: اليوم غادي نوجد ليه خبز كارم. جا عندو هاداك الراجل، قال ليه: عندك خبز كارم؟ هاد المرة قال ليه مول الحانوت: كاين وهو يقول ليه: ماغاديش يتباع ليك كيتبسل عليا
هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية حاس براسو مكلخ
واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟ قال ليه التلميد: لا، غير ما بغيتكش تبقى واقف بوحدك ماشي كليان
هادا واحد الزقرام كيقرا ف محو الأمية. سولو المعلم قال ليه: 60+60 شحال كتساوي؟
قال ليه السقرام : 120
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي بيستاش
هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك نلعب البيانو
هادا واحد الراجل سول الطبيب ديالو: دكتور، واش غادي نقدر نلعب البيانو من بعد ما ندير هاد العملية؟
قال لي الطبيب: أكيد
قال ليه الراجل: مزياااااااان. حيت ماعمرني كنت نعرف نلعب البيانو من قبل نفرح الدراري هادي واحد الطلابة قالت لواحد المعلم: الله يرحم الوالدين عطيني باش نفرح الدراري قال ليها: سيري قولي ليهوم راه ما كايناش القراية غدا كيضرني كلشي
هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو الصدى هادا واحد الولد طلع للسطاح ولقى جداتو كتغسل شعرها من الحنا.
هو غير شاف اللون ديال الما قهوي وهو يقول ليها: شفتي أجدة أشنو كنقول ليك ديما؟ ها راسك تصدى كاع من كترة الجليس ف السطاح بشحال القرد؟
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية كتكوت مفترس
هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان شفار بغى يتوب
واحد الشفار بغى يتوب وهو يسرق جوج سيديات ديال القرآن الراجل والحفرة
راجل معقول كان غادي وطاح ف حفرة
ناض منها وشاف قدامو وهي تبان ليه حفرة أخرى وقال: أوووف هنطيح عوتاني مظاهرة د المكلخين
رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه
وايني راجل
واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟ نتائج المدرسة
هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة كون غير خديت إبليس
واحد المرا كاعية مع راجلها وهي تقول ليه: كون غير خديت إبليس ولا خديتك
قال ليها راجلها: شرعا، لا يجوز المرا تجوج بخوها بصاح أولا كتفلا
واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات الفروج والدجاجة
الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش نعاود ليك حاجة غريبة
واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع أنا اللي صيدتها
هدا واحد الدري قال لصاحبو: علمني كيفاش نتصاحب
قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها الراجل والعفريت
هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة
جا يوصلني
جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني
غادي تسكتي أولا
مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت عيد الزواج
واحد قال لصاحبو: بغيت ندير مفاجأة لمرتي بمناسبة عشر سنين د الجواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
قال ليه: غادي نمشي نجيبها من تما.
شربي الما ونعسي
هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي الضحك ديال الميكانيكي
واحد ميكانيكي بغا يضحك مع مرتو، ناض قرصها بالبانس بغيت الرومانسية
واحد قال لمرتو: أنا اليوم بغيت الرومانسية ف الدار.
المرا مشات سولات ماماها: مي، أشنا هي الرومانسية؟
قالت ليها ماماها: ما عرفتش أبنتي، ولكن احتياطا رقدي الحمص. زعما يكون مات؟
هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟ بدينا بالطلبات
هادا واحد تعرف على واحد البنت وقالت ليه عطيني النمرة د التلفون. هو يقول ليها: أو! بدينا بالطلبات من دابا؟ مخاصمين
واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00، وحطها ليها حدا الناموسية. منين فاق لقى 10:00 وحداه ورقة مكتوب فيها: فيق، راه 7:00 هادي عصبي وعصبية
واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني الزوينة ف الطوبيس
هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها دهن بلاصة الطيحة
هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج صدقة ورحمة للوالدين
هادا واحد الزقرام شرا خبزة، ناض شفرها ليها واحد الشمكار. تبع الزقرام الشمكار باش ياخد منو الخبزة ديالو، ساعة مللي بان ليها مشى قال ليه: سير، صدقة ورحمة للوالدين سراق الزيت مشهور
هادا واحد سراق الزيت خرج من الحانوت فرحان حيت لقا تصويرتو ف مبيد الحشرات
